Eling’s hage og hobbyblogg

Lappeteknikk og hagesyslar

Sareptas krukke

 Arbeidet med denne haugen ved har visst blitt mitt ansvar. Gubben i huset har funne ut at å lø ved er kvinnfolkarbeid. At veden varmar to gonger er ein underdriven påstand. Først skal den sagast i skogen, så skal den fraktast heim, så skal den kappast til høvelege kubbar, så skal det løast opp, så skal det bærast i hus før fyring, så skal det fyrast…. Eg kan herved telje 6 arbeidsoperasjonar, dvs at veden varmar 6 gonger. Nokre påstår sågar at vedfyring bidreg til drivhuseffekten 😉 .

Denne vedhaugen er som Sareptas krukke. Eg plukkar og plukkar, men kan ikkje sjå at det vert noko mindre ved i haugen. Heldigvis ser eg at stabelen veks i vedskjulet, sjølv om ikkje vedhaugen minkar.

  Sånn såg det ut i vedskjulet då eg gav meg for dagen, så noko arbeid har blitt gjordt. Dåkke har heilt sikkert forstått at vedarbeidet slett ikkje er mitt favoritthagearbeid 😉 .

 Over til noko litt kjekkare: Dette er svart nyserot på veg opp av jorda. Den har utruleg flott bladverk, og det var det som var grunnen til at eg skaffa meg planten i si tid. Eg har enno ikkje sett den i blomst, så eg er spent på korleis den ser ut.

 I bedet attmed vegen står fire flotte klarblå anemoner. Om natta og når det er overskya lukkar blomsten seg, medan den spring heilt ut når det er sol.

Bloggstatistikken min viser at bloggen min har passert 3000 besøkande i dag. Eg tek det som eit teikn på at der er mange av dåkke der ute som finn noko av intresse her, sidan dåkke kjem attende gong etter gong. Takk for besøket, alle saman 🙂 !

Advertisements

april 21, 2008 - Posted by | Hage

3 kommentarar »

  1. angåande seraptisk krukke. når du først har telt opp alle gongane veden varmar og til slutt kom til den konklusjonen at den utgjer ein trussel for den globale oppvarminga. er det jo ein ting til som er bra med den stabelen og det er jo at den varmar opp også for oss her nordafor… ps. såg foresten på nyhende at det er kaldare enn på lenge i havdjupet enno lenger der oppe nord. så berre fyr opp den stabelen din med god samvittighet:)
    by the way: flott at du gjer antrekket (paraplyen) fullstendig med dei glansbildeaktige støvlane:)

    Kommentar av tove | april 21, 2008 | Svar

  2. ops. har visst bytta om på bokstavane ser eg. sareptas krukke ser eg det skal vere 🙂 🙂

    Kommentar av tove | april 21, 2008 | Svar

  3. Utrolig flotte støvler du hadde fått deg. Da er det jo bare moro hvis det regner.
    Den vedstabelen så ikkek så flott ut for å si det sånn. Men den forsvinner nok til slutt. Lykke til!!

    Kommentar av TurboLotte | april 22, 2008 | Svar


Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: