Ullboxer frå ullgenser

Det er mykje moro ein kan lage med gamle saker og ei symaskin eller to. Her har eg ei Devoll ullskjorte som ungane har vokse frå. Den var så pent brukt at det var for gale å kvitte seg med den. Tanken er at det skal bli ein overnattingsboxer til ein som driv og søv ute i friluft innimellom.

 Stikken i livet er frå ein gammal, kassert boxer.

Nederst har eg sydd på oppbrettkantane som avslutning, men det vart for lite elastisk, så det må av igjen.

Reklame

Nye trekk til sofaen

På loftet har vi hatt ståande ein gammal sofa som vi har arva. Den har gjordt god nytte, men den var liksom ikkje heilt min stil. Lenge har eg  hatt lyst å kaste den, men ein kastar vel ikkje gode ting, gjer ein vel?… Eg har også prøvd å gje den vekk til folk eg synest har hatt behov for den…..men trass iherdige forsøk har  er sofaen min enno…

I skapa mine har eg hatt liggjande noko linstoff som opprinneleg var tenkt til å sy liftgardiner av. Dei gardinene vart det aldri noko av, så stoffet har i grunn berre blitt liggjande som skapfyll.  Så ein kveld fekk eg ein lys ide – stoffet ville være perfekt som sofatrekk.  Og frå ide til prosjekt er ikkje vegen lang. Eg kasta meg over arbeidet med stor iver, og i løpet av ein kveld  og påfølgande dag, hadde sofaen på loftet fått nytt liv i den nyinnreia kjellarstova  🙂

Trekket er heilt enkelt sydd. Der er eit trekk til sjølve sofaen, og så er der eit trekk til kvart av armlena. Det er enkelt å ta av trekket, og det toler godt vasking i maskin.

I bakgrunnen har omsider Polkadot-girls teppet mitt endeleg fått ein verdig plass. Teppet er så stort at eg faktisk ikkje har hatt veggplass til det, så det har blitt liggjande i eit skap sidan det var ferdig.

Det var litt for lite stoff til å lage heile trekket i det grå linstoffet.  Heldigvis fekk eg ein stripete gardinrest av ei veninde, og det passa heilt suverent til armlena. Utsida av armlena er av linstoffet, medan innsida og toppen er av det stripete stoffet.

Heile trekket er sydd med overlocmaskin, så sjølve syinga gjekk radigt.

UFO-jakt

Visyr.no har ein UFO-konkurranse på gang for tida. I hobbyverden er ein UFO definert som eit UFerdig Objekt, noko dei fleste eg kjenner i bransjen har opptil fleire stk av til ein kvar tid.

Eg har meldt meg på med to prosjekt.

Det eine er denne løparen som eg starta på i fjor i romjula, fordi eg trengte noko å legge på den lange skjenken min når juleløparen skulle pakkast vekk. Den er sett saman av lyse stoff, og mange av dei er småbitar frå restekassa.

Sånn vart det ferdige resultatet. Heilt enkel og grei løpar utan særleg dekor. Denne skjenken er vanlegvis overfylt av plantar, og det eg trengte var difor ein nøytral løpar.

Også lukkekantane er sett saman av passande restestoff. Løparen er quilta «in the ditch», altså i «grøfta» mellom lappane.

Prosjekt nr 2 er ei handleveske som var tema på eit medlemsmøte i NLQ, for lenge, lenge sidan.

Slik vart det altså liggjande, delvis klipt og sydd, og eigentleg nesten ferdig….

Yttersida har form som eit hjerte.

Inni hjertet finn ein altså handleveska

Vår ein brettar ut veska blir den slik.

Lille Rosin kalender 2011 er i gang

Som fleire sikkert har sett, så har eg hengt med på Lille Rosin sin kalender i 2010 på Hobbyboden. I år er ho i gang igjen, og eg gledar meg til alle dei spennande oppgåvene ho har til oss gjennom året. Denne gongen har ho også lagt oppgåvene i bloggen sin, slik at også dei som ikkje er på Hobbyboden kan delta.

I januar var der opptil fleire oppgåver eg kunne tenkje meg å gjere, men eg får sjå kva tida mi strekk til. I første omgang er det strikketøymappa/toalettveska eg har kasta meg over. Link til den finn du på denne nettbutikken.

Når eg først var i siget, vart det tre ulike toalettmapper/strikketøymapper.

 

Denne er litt anonym i forhold til dei to andre. Den er ei gåve til ei særdeles blomsterglad veninde.  Stoffet er påtrykt latinske blomsternavn, noko denne veninda er ekspert på å hugse.

2010 in review

The stats helper monkeys at WordPress.com mulled over how this blog did in 2010, and here’s a high level summary of its overall blog health:

The Blog-Health-o-Meter™ reads Wow.

Crunchy numbers

The average container ship can carry about 4,500 containers. This blog was viewed about 15,000 times in 2010. If each view were a shipping container, your blog would have filled about 3 fully loaded ships.

In 2010, there were 45 new posts, growing the total archive of this blog to 187 posts. There were 150 pictures uploaded, taking up a total of 368mb. That’s about 3 pictures per week.

The busiest day of the year was February 7th with 170 views. The most popular post that day was Polka Dot Girls er ferdig.

Where did they come from?

The top referring sites in 2010 were nlq2007.blogspot.com, hagegaledagbker.blogspot.com, forum.hobbyboden.com, haldis-quilteblogg.blogspot.com, and hageblogger.blogspot.com.

Some visitors came searching, mostly for lappeteknikk, hage, pilfletting, hobbyblogg, and tafjordfjella.

Attractions in 2010

These are the posts and pages that got the most views in 2010.

1

Polka Dot Girls er ferdig February 2010
11 comments

2

Oppussing på gang February 2008
5 comments

3

Lilla tunika i Sandnes garn August 2010
7 comments

4

Rosa babyteppe January 2008
2 comments

5

Japansk sminkepung August 2009
5 comments

Godt nytt år!

Heisann! Det er jammen meg på tide å ynskje dåkke alle GODT NYTT ÅR!

Eg  tykkjer ikkje det er så lenge sidan forrige gong, så her går åra unna kjappare enn eg klarar å følge med.  Eg rakk ikkje eingong ynskje dåkke god jul…

 

Litt sying med tema jul vart det også denne desembermånaden. Denne duken vart sydd etter eit kurs som Elin Grov hadde for Nordfjord Lappe og Quilteklubb i haust. Vi kallar det Bunny Barn og du kan sjå meir om korleis vi gjorde det  her. Teknikken var både enkel og morsom, så det er ikkje utenkeleg at eg lagar meir Buggy Barn.

Denne og eit par andre små vesker sydde eg også før jul. Dei er sydd på samme måte som dei små myntveskene eg sydde i haust. Eg likte godt å sy dei, samstundes som eg likar forma på dei. Dei er ypparleg til å oppbevare småting som allid forsvinn nederst i veska under alt anna som flyt omkring der.  På tur er dei ypparleg til å oppbevare smykker og andre dippeduttar.

Eg gledar meg til eit nytt år med mykje handarbeid og blogging. I år har eg faktisk eit nyttårsforsett, og det er enkelt og greit å sy meir. Akkurat det forsettet trur eg at eg skal klare å holde – om ikkje skal eg i alle fall kose meg i forsøket på å klare det  🙂

Julekalender – som eg likar det

På visyr.no har dei julekalender som er av den typen eg likar. Kvar dag er det ulike oppgåver, eller muligheiter til å vinne premie, og det er selvfølgelig relatert til sying. Nokre av oppgåvene har eg gjordt, medan andre hoppar eg over.

1. desember, telyspose.

På desse posane har eg printa motiv på eit overføringspapir. Motivet er stroke fast på stoffet ved hjelp av strykehjern. Så har posane fått litt stæsh som kroklisser og blonder i gull.

2. desember, nisseluer.

Nisseluene er sydd i ullfleece. Pynten langs kanten er kroklisser og pompongar. Dusken i enden har eg eg laga på gamlemåten, som vi lærte det på barneskulen.

3. desember, pepperkakemotiv

Denne oppgåva var eigentleg tiltenkt broderimaskiner. Sidan eg ikkje  har broderimaskin, måtte eg finne på noko anna.  Her er skrifta speglvendt og printa ut på overføringspapir.  Pepperkakemannen er applikert på og «glasuren» er sydd på ved hjelp av stoppefoten.

På toppen er det glidelås, slik at posane egnar seg svært godt til å oppbevare pepperkakeformene.  Dei er store nok til å romme dei største formene som ein gjerne nyttar til pynt i vindauget også.

Mine søte små

Mine søte små sydde eg på eit kurs som eg var på i vår.

Bildet er sydd ved at eg har lagt ein kopi av eit bilde på baksida av stoffet og sydd med stoppefoten på maskina. Her kunne eg sikkert hatt meir detaljar, men sidan det var første gong eg prøvde meg på sånt, turte eg ikkje rote på for mykje.  Legg merke til tøydukka som heng opp-ned på hårstrikken til jentungen…synest den er litt søt, eg 🙂

 

1012 bittesmå bitar

Tidlegare i haust skreiv eg om at eg var på kurs med George Ciciliano .

Omsider har eg gjordt ferdig prosjektet eg starta på på kurset, og det inneheld ikkje mindre enn 1012 små  bitar. Bildet er 53×53 cm stort.

Dette har virkelig vore eit tålmodigheitsprosjekt. Enten dåkke trur det eller ikkje, så er det ikkje særleg vanskelig. Det er rett og slett log cabin sydd på papir. Her er eit innlegg om kuttinga og syinga av blokkene også.

Det blir neppe fleire slike tepper. Artig å lage eit, men dette blir for kjedelig for meg i lengda, for når ein først har bestemt seg for korleis mønsteret og fargane skal være, er det lite utfordringar knytt til dette arbeidet.

Å bruke ein George Ciciliano linjal

På kurset med George Ciciliano brukte vi ein spesiell linjal som han hadde designa sjølv. Vi lurte godt på korleis denne skulle brukast, og når vi hadde fått ein demonstrasjon, viste det seg  at til sitt bruk var linjalen både enkel og genial!

Skulle du være nysgjerrig på korleis linjalen skal nyttast, så ta ein kikk på bileta under her.

Slik ser den altså ut. Det er ein linjal som er designa for å kutte nøyaktige sømrom når ein syr små bitar på papir.

Linjalen kan nyttast både av venstre- og høgrehendte. Dersom ein er venstrehendt, flyttar ein plastskruen som held dei to plastbitane saman over til høgre sida, så åpnar linjalen seg motsett veg.

Du kan også velge kor stort sømrom du vil skjære. Slik den er montert no, vil den lage eit sømrom på 1/4 «, dersom ein tek av knappen og vender linjalen «opp ned» vil det bli eit sømrom på 1/8″.

Legg papiret med print slik at du har vrangsida opp. Legg lappane du skal sy rette mot rette med sømrommet utanfor linja du skal sy på. det er ikkje problem å sjå linja du skal sy etter på baksida. Linjene er nummererte, så det er viktig å sy dei i rett rekkjefølge. Her er dei to første lappane sydd fast med ein søm.

Legg papiret du syr på med retta opp, og hald på lappane, slik at dei ikkje flyttar seg. Sy linja med rett nummer . På dette bildet er godt over halvparten av sømmane ferdig sydde.

Legg den kvite delen av linjalen på sømmen du skal sy. Du skal no kutte sømrommet, slik at lappen du skal sy på kan leggast kant i kant  på sømrommet, og når du så syr, vert sømmen så nøyaktig som det er mogeleg å gjere det.

Brett det av papiret som er over linja du har sydd tilbake over den kvite linjalen. Legg den blanke linjalen over slik at hakket i den blanke linjalen ligg kant i kant med den kvite linjalen. Kutt langs den blanke linjalen.  Du har no kutta eit nøyaktig sømrom 🙂