Eling’s hage og hobbyblogg

Lappeteknikk og hagesyslar

1012 bittesmå bitar

Tidlegare i haust skreiv eg om at eg var på kurs med George Ciciliano .

Omsider har eg gjordt ferdig prosjektet eg starta på på kurset, og det inneheld ikkje mindre enn 1012 små  bitar. Bildet er 53×53 cm stort.

Dette har virkelig vore eit tålmodigheitsprosjekt. Enten dåkke trur det eller ikkje, så er det ikkje særleg vanskelig. Det er rett og slett log cabin sydd på papir. Her er eit innlegg om kuttinga og syinga av blokkene også.

Det blir neppe fleire slike tepper. Artig å lage eit, men dette blir for kjedelig for meg i lengda, for når ein først har bestemt seg for korleis mønsteret og fargane skal være, er det lite utfordringar knytt til dette arbeidet.

november 15, 2010 Posted by | Lappeteknikk, Søm | 6 kommentarar

På tide med nye vinterklede

No har utvilsomt vinteren kome vestlandet. Ute ligg der eit tynt lag snø, og det er meldt kaldt veir i dagane framover. Då er det godt å vete at eg endelig har fått ferdig vinterkåpa mi.

Det er lenge sidan eg har sydd klede til meg sjølv, så mykje har gått i gløymeboka. Det vart litt prøving og feiling, men desto meir glad blir eg når eg får det til.

Kåpa er sydd etter mønster frå Ottobre nr 5/2010.  Stoffet er bestilt frå Fabric.com.

Bak er kåpa heilt enkel. Opprinnelig skulle der være ein stolpe med to knappar i ryggen, men eg tykte det vart for mykje dill, så den droppa eg.

Eg streva litt med å få den fin langs kanten nede, så då måtte eg tilkalle kyndig hjelp for å hjelpe meg å få den pent lagt opp.  Jammen greit å ha «syvenner» som kan stille opp på kort varsel 🙂

Kragen er stor, det er visst sånn det skal være i år. Eg vurderte om eg skulle lage den mindre, men kom fram til at det kanskje var litt stilig med stor krage.

Lommene er sydd inn i saumane, og er plassert litt fram på jakka. Litt uvant at dei ikkje er sydd inn i sidesaumane, men i grunn ein stilig detalj dette også.

Det som skulle by på dei største problema var faktisk å skaffe rett sort vlieselin. Den eine sorten (F220) var det ingen forhandlarar eg har snakka med som kjendte til. Det endte med at eg brukte det eg hadde i skapet frå før. Når kåpa er ferdig, ser eg at eg skulle hatt meir støtte i kragen, så eg antar at den vlieselinen eg ikkje fekk tak i skulle være ein ekstra stødig variant.

Dette gav meirsmak, så det blir nok meir sying av klede framover 🙂

november 7, 2010 Posted by | Klede, Søm | 10 kommentarar

Eg kastar meg på handlenenett trenden

Septemberoppgåva til Lille Rosin på Hobbyboden vart eit handlenett i romantisk stoff.

Viss du får lyst å lage eit sjølv, finn du ei enkel rettleiing på korleis du syr handlenett i bloggen Bare prat

 

Nettet vart retteleg søtt, så no gjeld det berre å hugse å ta det med seg når ein skal handle 😉

 

september 29, 2010 Posted by | Diverse, Lille Rosin sin kalender2010, Søm, vesker | , | Kommenter innlegget

Lapper i tusenfold…

13.-15. august var George Ciciliano på Nordfjordeid og hadde kurs med Nordfjord lappe-og quilteklubb. Ta ein kikk i NLQ sin blogg, så finn du fleire bilete frå kurset.

Bileta over er av Ciciliano sine arbeid. Dei er samansett av tusenvis av små bitar sydd saman på papir.  Han designar quiltane sine ved hjelp av eit dataprogram.

Vi måtte designe våre quiltar på «gamlemåten». Vi fekk utdelt papirmalar som vi leika oss med og sette saman til det som seinare skal bli den ferdige quilten.

Eg tok ein kopi av bitane eg hadde sett saman og farga dei. Hovudet mitt er ikkje i stand til å hugse kva farge som skal være kor, så det må ned på papiret viss det skal bli noko fornuftig ut av det.

Slik ser papirmalen vi syr på ut. Vi legg stoffet på baksida og syr etter strekane.

Så skal småbitane  til blokkene skjærast ut. Bitane til kvar blokk skjærast ut før ein byrjar å sy sjølve blokka. Her har eg skore opp bitar til 4 blokker.

Åtte blokker er ferdige, men der er enno mange lappar som skal syast saman før dette liknar på noko fornuftig. Det tek jammen tid å lage desse blokkene, så dette er ikkje noko ein «sveivar» saman på ei helg. Eg har mange blokker igjen å sy, så det tek nok si tid før eg kjem tilbake med det ferdige resultatet.

september 24, 2010 Posted by | Lappeteknikk, Søm | 4 kommentarar

Meir eller mindre praktiske dongeritøflar

….tja, nei…praktiske er dei nok ikkje, men litt artige er dei vel…

Tøflane er ei av augustoppgåvene i Lille Rosin sin månadskalender på hobbyboden. Ideen er henta frå denne bloggen, som dessutan inneheld ein del andre artige saker.

Det er ei av mine avlagte dongeribukser og eit gammalt smykke som har fått nytt liv.

Det skulle eigentleg være papp i solen, men eg hadde noko tjukt ullstoff liggjande, så det vart to lag av det i staden. Det resulterte i at tøflane vart skrekkelig varme å ha på føtene. Det var kanskje meininga, men det får no være måte på…. Litt små vart dei og, så eg veit no ikkje om desse vert nokon favoritt på tøffelfronten i år.

Ventar spent på septemberoppgåvene eg….

august 31, 2010 Posted by | Diverse, Handarbeid, Lille Rosin sin kalender2010, Søm | Éin kommentar

Firkantvesker

Lappeklipp si firkantveske var ei av april oppgåvene i kalenderen til Lille Rosin.  Eit artig mønster som berre måtte prøvast.  Eg laga to vesker når eg først var i siget.

Rutene eg brukte er 5×5 inch og er skorne ut av restane av nokre gamle dongeribukser som eg samla til eit prosjekt tidlegare. Kvar veske fekk to ruter med mønster på, slik at det skulle bli litt meir liv.

.

Eg hadde berre knapp til eine veska, så på denne fekk ein avdanka øyredobb gjere nytta. Det er eit gullfarga snøre som fungerer som lukkemekanisme.

To baklommer i kvar veske til innerlommer. Ein liten karabinkrok til å feste ting og tang i på innsida av veska vart festa til lommene.

Audå…når eg ser biletet no, så ser eg at symaskina har dratt ned og floka quiltetråden, dette burde vel ikkje visast offentleg ?? *rødme*

mai 1, 2010 Posted by | Lappeteknikk, Lille Rosin sin kalender2010, Søm, vesker | 2 kommentarar

Rundpinneetui

Ei av marsoppgåvene i Lille Rosin sin hobbykalender på Hobbyboden var å lage rundpinneetui. Mine er omsider ferdige, men no er vi halvvegs inn i april, så det var kanskje på tide. Dette prosjektet finn du i Marita sin blogg.

Det er lenge sidan eg starta på prosjektet, men eg kom liksom på kant med det heilt i starten, og vi vart liksom aldri heilt venner igjen. Til slutt fann eg ut at det var berre å ta seg sjølv i nakken å gjere dei ferdige. Etuia vart vel heilt ok, men det er slett ikkje sikkert at eg gidd å lage fleire.  Det var faktisk eg som foreslo denne oppgåva, for eg har tenkt på å lage slike lenge. Kvifor eg ikkje vart heilt ven med prosjektet forstår eg ikkje – dei var ikkje akkurat så vanskelige å lage.

Fuchsiastoffet har eg hatt liggjande lenge, fordi eg ikkje har visst heilt kva eg skal nytte det til. Det er ofte vanskelig å finne fornuftige bruksområde på slike stoff med store,klare motiv. På biletet under ser du nærbilete av dei flotte fuchsiablomstrane.

april 15, 2010 Posted by | Lappeteknikk, Lille Rosin sin kalender2010, Søm | 3 kommentarar

Myntvesker

Dagens prosjekt frå Lille Rosin sin kalender er desse to myntpungane.Telyset indikerer størrelsen.

Rettleiinga fann eg i Timotei sin blogg.  Ho har lagt ut ei steg for steg rettleiing, som er så enkel at alle kan klare det.

God helg til alle som stikk innom!

mars 13, 2010 Posted by | Lappeteknikk, Lille Rosin sin kalender2010, Søm | 5 kommentarar

Trekantpunger

Her er første bidraget til februar månad i Lille Rosin sin kalender for 2010. Det var fleire oppgåver å velje mellom, og eg har bestemt meg for å lage trekantpungar og ei hekla korg. Korga har eg ikkje begynt på enno, det får bli tv-kikke-prosjekt.

Eg har berre nytta stoff frå restekorga mi. Blomstrane har eg klipt ut av eit stoff og stroke på med vlieselin, og deretter quilta rundt kantane på dei med stoppefoten. Når pungane var ferdige, tykte eg dei var litt kjedelige.  Boksen med perler vart leita fram, og det gjorde virkelig susen.

Om du studerer detaljbiletet under, ser du at den eine pungen er quilta små blomster på. Ikkje heilt lett å sjå, sidan tråden eg har brukt er nesten samme farge som stoffet.

februar 9, 2010 Posted by | Lappeteknikk, Lille Rosin sin kalender2010, Søm, toalettveske, vesker | 5 kommentarar

Polka Dot Girls er ferdig

Næh, for eit koselig kjøkkenbord!! Og kven er den heldige eigar? Jepp, dette er mitt 🙂

Det blir ikkje ofte vi et middag med denne duken under.

Eit par nærbilder av stritcherya i quilten.

Og sånn ser det ut når det heng. Der er opphengskanalar på baksida, slik at det kan henge på ei gardinstang. Foreløpig har eg ingen vegg som er stor nok.

Det har vore litt av eit arbeid å lage denne quilten, men jammen har eg hatt mange trivelige timar undervegs.  Nokon har lurt på om eg veit kor mange timar eg har brukt på dette, men det anar eg ikkje.

Om du klikkar på kategorien Polka Dot Girls til høgre i bloggen, finn du alle tidlegare innlegg om dette teppet.

februar 7, 2010 Posted by | Lappeteknikk, Polka Dot Girls, Søm | 11 kommentarar